Shopping Cart
0
Pema
-
Tapioka unu (nişastası) 200 qr
Tapioka unu, Cənubi Amerikada təbii halda bitən maniok bitkisindən alınan nişasta məhsuludur. Bir sıra faydalı elementlərlə zəngin bu məhsulun tərkibindəki kolin qandakı şəkər səviyyəsini normallaşdırır, B qrupu vitaminləri sinir sisteminin fəaliyyətinə müsbət təsir göstərir, kalsium və fosfor kimi minerallar isə sümük toxumalarının qurulmasında əsaslı rol oynayır. Demək olar ki, yağsız və tamamilə qlütensiz olan tapioka unu bədəndən artıq mayenin çıxarılmasını təmin edir, qan təzyiqini normallaşdırır və ürək-damar sisteminin fəaliyyətini yaxşılaşdırır.
Daxilindəki bir sıra şirintəhər, nişasta kimi axışqan birləşmələrin mövcudluğu bu unu müxtəlif sousların qatılaşdırılmasında, eləcə də fərqli krem-şorbaların və içliklərin hazırlanması üçün əlverişli edir. Bundan əlavə, tapiokanı bişintilərdə – pudinqlər, krep və fəsəlilər – istifadə etmək olar.
-
Qırmızı düyü Kamarq 1 kq
Cənubi Fransanın Kamarq bölgəsində yetişdirilən bu qırmızı düyü növü, kəskin qozlu tamı, təbii çeynək teksturası və yüksək miqdarda antioksidant və lifdən ibarət tərkibi ilə seçilir. Hazırlanma zamanı düyü dənləri formasını qoruyur, yaxşıca bişir və asan həzm olunur. Qırmızı düyü tərəvəzli, ətli və göbələkli yeməklərin yanına yaxşı yaraşır.
-
Qlütensiz un 1 kq
LUXFOOD sizə Almaniyanın qlütensiz məhsullar istehsalçısı “Schär” brendindən qlütensiz un qarışığını təqdim edir!
Makaronlardan tutmuş, krep, pankeyk və sair bişintilərin, müxtəlif sousların və kremlərin hazırlanmasında istifadə edilən bu un sağlam və qlütensiz qidalanmaya üstünlük verən hər kəsin mətbəxində əvəzolunmaz məhsuldur.
-
Çörək Çeşidləri – Pema Whole Wheat Bread – Assortment – 500 qr
Çoxumuzun gündəlik qida rasionunda önəmli yer tutan çörək artıq qarnımızı doydurmaq üçün yeyilən bir qarnir növü kimi görülmür. Bu gün insanlar yedikləri çörəyin qida dəyəri və onun necə hazırlandığı ilə dərindən maraqlanır. Həm sağlam qidalananlar, həm də veqanlar üçün nəzərdə tutulan laktozsuz və soyasız tam taxıldan hazırlanan alman “PEMA” brendinin orqanik çörəklərini Luxfood artıq qapınıza gətirir!
Brendin təklif etdiyi 6 çeşid tam taxıllı alman çörəyindən ibarət bu dəsti mövcud çörəklərin hamısını dadıb, ən çox bəyəndiyiniz növünü ayrıca sifariş verməyiniz üçün nəzərinizə çatdırırıq.
Dəstə 2 çovdar çörəyi, 1 günəbaxan tumlu çovdar çörəyi, 2 kətan toxumlu çovdar çörəyi, 2 kəpəkli çovdar çörəyi, 2 yulaflı çovdar çörəyi və 1 uşaqlar üçün tam taxıllı çovdar çörəyi olmaqla, toplam 10 ədəd 50 qramlıq çörək daxildir.